Saamenkielinen Yle metsähallituslaista

Print PDF Email

Saamenkielinen Yle uutisoi metsähallituslaista 17.3.2016 ja 30.3.2016

17.3.2016

http://yle.fi/uutiset/maggat_riikkabeaiairasat_bealustedje_samiid_meahciraehuslaga_gieahallamis__easta_maid_ilo-soahpamusa_ratifiserema/8749981

 

Hassi: Davimus boazodoalloguovlluid hovdejeaddji molsašuvvá

Ođđa beali ságastallamii buvttii ovdan Ruonáid riikkabeaiáirras Satu Hassi, gii hálai das, ahte davimus boazodoalloguovlluid hovdejeaddji molsašuvvá.

Hassi mielas lea fuolastuhtti, ahte sámeguovllu boazodoalloguovllut sirdojuvvojit Meahciráđđehusa luonddubálvalusaid vuolde fitnodatdoaimmaid vuollái, muhto seammás ráđđehus ii hálit suodjalit sámiid rivttiid.– Go goalmmát balánsa vuođđuduvvo, nu sámeguovllu dihto boazodoalloguovlluid hovdejeaddji molsašuvvá meahciráđđehusa luonddubálvalusain fitnodatdoaimma jođiheddjiide. Anán hui fuolastuhttin sámiid rivttiid dáfus dan, ahte ráđđehus ii seamma áigge dohkket meahciráđđehusláhkii sámekultuvrra geahnohuhttingildosa. Dakkár lea jo ruvke-, čáhce- ja birassuodjalanlágain.

– Lean ságastallan áššis sápmelaččaiguin ja sii leat hui fuolas áššis. Dat lea áddehahtti. Mii diehtit daid máŋggaid riidduid, maid Meahciráđđehus ja boazodoallit leat jagiid áigge vásihan, Hassi muittuhii riikkabeivviid stuorra sáles gaskavahku.

 

30.3.2016

http://yle.fi/uutiset/riikkabeivviin_evttohedje_vuot_meahciraehuslahkaevttohusa_hilguma/8775815

Satu Hassi (ruon.) imaštalai, ahte jos lága ulbmilin lei fal vuođđudit ođđa vuovdedoallofitnodaga, nu manin láhkii galggai lasihit osiid, mat ee. geavatlaččat geahnohuhttet sámiid rivttiid bealušteami.

Ruonáid Satu Hassi háliidii muittuhit, ahte vaikke sámiide guoski láhkačuoggát eai rievddage, nu sámiid árbevirolaš ealáhusaid ja erenoamážit boazodoalu eatnamiid hálddašeaddji rievdá ja danin láhka boahtá geavatlaččat geahnohuhttit sámiid rivttiid.

Avainsanat: metsähallitus, metsähallituslaki